Boing, going home

Jæja. Þá er JavaOne búið í bili. Frábær ráðstefna að öllu leyti nema einu. Það kom upp vírus, nánar tiltekið, norovirus sem er í rauninni bara magaflensa. Það var send út tilkynning á gesti ráðstefnunnar í gærmorgun sem sagði frá honum; að flestir sem fengu vírusinn væru liggjandi með hita, magakrampa, gubbupest og fleira í 1-2 daga. Ég kom upp á hótel í fyrrakvöld, dauðþreyttur, ákvað að panta mér mat af veitingastaðnum á hótelinu, samloku með beikon og einhverju drasli. Ég fékk svona bullandi magakrampa, netið virkaði ekki á hótelinu þannig ég gat ekki séð tilkynninguna og kenndi samlokunni um, sem auðvitað var blásaklaus. Sem betur var það ekki alvarlegra en það hjá mér, ég gæti trúað að áfengið sem Google gaf í Guice sessioninu sínu um kvöldið hafi bjargað mér.

Annars er ekkert merkilegt í fréttum. Fullt sem ég þarf að koma frá mér um ráðstefnuna, ég er bara svo þreyttur að ég kem því ekki upp úr mér. Þetta er búin að vera lengsta vika sem ég hef upplifað í langan tíma og ég sé ekki alveg fyrir endann á henni strax þar sem ferðalagið mitt til Íslands er í heildina hátt í einn og hálfan sólahring, hlakka ekki mikið til þess.

Veit einhver um eitthvað skemmtilegt að gera í NY í 12 tíma stoppi?

The rabbithole

Jæja. Dagur 1 löngu liðinn og ég vel hálfnaður með dag 2. Ég bætti við einu sessioni í gær Jersey: RESTful Web Services Made Easy og hætti við Migrating to Maven 2 Demystified þegar 15 mínútur voru liðnar og fyrirlesarinn byrjaði að útskýra hvað <scope> þýðir. Fyrir ykkur hin sem vita ekkert hvað ég er að tala um...

Anywho. Ég fór í eBay invite only partí uppi á svölum á hóteli sem þeir leigðu, mjög flott. Það var reyndar vitlaust kynnt hjá þeim. Þetta átti auðvitað að vera eBay invite only recruiting partí. Ég hitti gæja þar sem spjallaði aðeins við mig um hvað ég væri að gera. Í lokin á spjallinu bætti ég við að ég væri í skóla líka og þá sagði hann mér að koma að vinna fyrir eBay þegar ég færi í master nám því þeir borguðu námið fyrir mann. Á þeim tímapunkti fór mann að gruna að þetta var ekki bara matur og vín eins og lofað var.

Jæja. Næsta session bíður, skjáumst.

Little or no connectivity

Best að unga út einni færslu á meðan ég bíð eftir næsta sessioni á JavaOne

Búið að vera ansi strangt síðan ég mætti til San Francisco. Fór að sofa upp úr 2 í nótt og vaknaði rétt fyrir 7 í morgun eftir flugið. Þá tók við góð stund í að vera áttaviltur á þessu risa ráðstefnusvæði, ég vil gjarnan trúa að ég hafi ekki verið einn um það af yfir þeim 10.000 sem mættir eru.

Netið var til vandræða í morgun og ég var ekki einn um það eins og ég komst að þegar ég fór að kvarta yfir því. Við eitt af þjónustuborðunum stóð maður, skuggalega líkur Java pabbanum, frá Motorola að kvarta yfir því sama. Við röltum saman og leituðum að einhverjum sem vissi eitthvað um málið en okkur var vísað til og frá í hringi. Þegar við gáfumst upp settumst við niður í einu ráðstefnuplássinu með öllum sem voru að leika sér í tölvunum sínum, athuguðum hvort netið virkaði hjá þeim og af ca. 40 manns var einn tengdur en enginn hinna að kvarta eins og við, þolinmóðar sálir.

Einmitt þegar við vorum að setjast niður aftur þá röltir einn af æðstu mönnum hugbúnaðardeildar hjá Sun fram hjá okkur, við nefndum vandamálið við hann og stuttu seinna var netið komið í lag. Mjög fyndið, þar sem við gátum ekki nöldrað mikið hærra í hákarlakeðjunni hjá þeim.

Fyrir þá sem langar að vita hvaða session ég er búinn að sjá í dag geta lesið næstu línur....

• Sun General Session Java + YOU
• More "Effective Java"
• Sun General Session Java-Centricity: Leveraging Java Technology at the hub of your Digital Life
• Upcoming Java? Programming-Language Changes
• GlassFish™ Project v3 as an Extensible Server Platform

Framundan eru svo GlassFish Application Server: Open Source, Fast, Easy and Reliable og Migrating to Maven 2 Demystified. Ég á síðan seinna meir, eftir að koma með einhverja samantekt á fyrirlestrunum sem mér fannst ómissandi.

A rabbi and a priest...

Mættur á JFK eftir leiðinlega langt flug frá Íslandi. Næsta flug verður yfir klukkustund lengra það fyrra. Frábært. Svo virkar síminn minn ekki hérna af einhverri ástæðu þannig ég keypti mér aðgang á WiFi-ið hérna og er að dúlla mér að lesa póstinn, twitter og readerinn og skrifa löngu tímabæra færslu í bloggið.

Svo sem frekar lítið að segja. Það var reyndar eitt frekar fyndið, þegar ég checkaði mig inn í flugið til San Francisco þá voru hátt í 30 rabbínar að checka sig inn á sama tíma. Þetta var í rauninni ekki haha-fyndið, meira svona aldrei-séð-áður-fyndið.

Var að vonast til að Sigurjón væri til í að leika leikinn "Leiðum túristann í gegnum New York" í bakaferðinni á sunnudaginn en hann verður því mjög svo miður kominn á skerið (í sumarfrí væntanlega).

Þangað til næst, hér kemur skrítlan sem ég notaði til að plata þig, lesandi góður, hingað inn...

A rabbi and a priest walk into a bar. Then a horse walks in. The bartender says: "Why the long face?"

Idiots Are Taking Over

Skyldutryggingin bætir allt það tjón sem verður af völdum ökutækisins.

Tilvitnunin að ofan er fengin af vef Tryggingamiðstöðvarinnar um skyldutryggingingar.

Næst þegar þið klessið á minn bíl eða einhvern annan bíl, labbið út og sjáið rispuna, sleikið á ykkur puttann og klínið honum í rispuna til að sjá hvort þetta sé rispa eftir ykkur eða óhreinindi, andskotist þá til að skilja eftir símanúmer svo það sé hægt að ná á ykkur og spara manni háar fjárhæðir sem annars myndu kosta ykkur 0 kr (út af skyldutrygginginunni).

Hr. Pirraður á fávitum í umferðinni

Cry me a river

Þorgerður, það er alveg rétt hjá þér að það er óþolandi að menn gjaldi þess hverra manna þeir eru. Er ekki líka hægt að segja að hinir umsækjendurnir hafi verið látnir gjalda vegna þess hverra manna þeir voru (ekki)? Sem er jafn óþolandi að menn séu verðlaunaðir vegna þess hverra manna þeir eru.

Every breath you take

Every step you take I'll be watching you. Allir kannast við lagið. Hvað er Sting að syngja um? Svarist eftir minni.